Samstag, 3. Dezember 2005
2. Advent
Aufm Christkindlmarkt
Liachtln spiagln in de Augn,
de ganz groß und freudig schaugn,
und sie suachan hin und her,
wos woi ois zum Finden wär?
Christbaumkerzn, bunte Kugeln,
Holzschnitzwerk und warme Nudln,
Lebkuacha und hoaßa Punsch,
ois is do, für jedn Wunsch.
Weihnachtsguaddl und aa Stolln,
Zinnsoldatn, so vuis grod wolln,
gebrannte Mandln und Maroni,
Plätzerl mit Schoklad und ohne.
Warme Strümpf für koide Tog
ko sich kaffa, wer des mog.
Säck mit Nüss fürn Nikolo
und aa Christbaam biatns o.
Kletznbrot, so saftig guat,
wias scho frühras bacha wurd.
Bratäpfe gibt’s, glei zum Essn,
den Duft alloa werst nia vergessen!
Adventsgesteckte, Rauschgoldengerl ...
host no Zeit, a wengerl?
Na hörsts no musiziern,
a Gruppn, aa wenn’s friern,
spuins schöne Weinachtsliada, -
i hörs zu gern und oiwei wieda!
von Ernst Reiter
Abonnieren
Kommentare zum Post (Atom)
-
Aus Sicherheitsgründen hat die Polizei einen Sperrgürtel rund ums Oktoberfest gezogen. Da darf nur durch wer vorher kontrolliert wurde. Mei...
-
Am 23. Juni 1876 wurde in München die erste (Pferde)-Trambahnlinie in Betrieb genommen. Sechs Jahre später, 3. Oktober 1882 erreichte dieses...
-
Ziel meiner gestrigen Wanderung war das Schloss Kaltenberg, bekannt durch die dort im Sommer aufgeführten Ritterturniere und bekannt...
Keine Kommentare:
Kommentar veröffentlichen